曾俊華:香港現時有危亦都有機
必須繼續做一個不一樣的中國城市

1 星期前
曾俊華:香港現時有危亦都有機
 必須繼續做一個不一樣的中國城市
字體大小
AAA
分享

前財政司司長曾俊華表示,目前香港經濟不是很明朗,但認為仍「有得搞」,指香港現時「有危亦都有機」。他指香港的生存之道,是繼續成為一個「不一樣的中國城市」,而香港要維持中國獨一無二的國際金融中心地位,就要重建大家的信心,例如講清楚法例的紅線。

曾俊華在fb上表示,香港在疫後的經濟復蘇步伐,雖然不似預期,但隨住香港的國際位置,以至歐美對香港與國家的政策,都有所改變,同時一些來自中東、南美洲甚至係非洲國家,反而對來香港投資興趣多了,因此覺得香港「有危亦都有機」。

曾俊華指自己早前排見了一位為一個卡塔爾皇室家族辦公室,管理資產同投資的負責人,他們的辦公室設在多哈,多年來都沒投資過亞洲市場,但最近就開始考慮來香港投資的可能性,所以「特登過嚟睇睇」,了解香港的投資環境。

曾俊華表示:「喺見面嘅時候,對方問咗好多問題,有啲我都唔識答,例如對方問到,既然一國兩制,繼續實施資本主義對香港咁重要,點解唔索性宣佈一國兩制,喺香港永久實施,唔駛再有 2047 年呢個期限呢?過去都有其他投資者,問過我同一個問題,邏輯上,我係認同呢個諗法,希望國家可以從消弭外間對香港未來定位嘅疑慮,作策略上嘅考慮。」

曾俊華指都嘗試向這位負責人,解釋香港有甚麼優勢,例如在香港可以自由兌換貨幣,香港亦沒有資產增值稅和遺產稅。他指:「不過對於呢啲中東國家,香港嘅低稅率並唔係乜嘢誘因,因為當地嘅利得稅同個人入息稅,基本上都係零。無論點都好,希望今次會有下文喇。」

曾俊華指香港現在的經濟前景不是好明朗,但覺得香港「仲係有得搞」。曾俊華提到前幾日與同來了香港的經濟學家 Stephen Roach聚舊,他們都不約而同認為,香港必須繼續成為一個不一樣的中國城市,而這個正正是「香港嘅生存之道」。

曾俊華指如果香港能夠繼續成為中國獨一無二的國際金融中心,不單止對香港好,對國家都有好處。之不過要令香港維持這個地位,而不是被人講中成為「遺址」,是要重建大家對香港的信心,例如講清楚法例的紅線,令大家不用擔心「郁下犯呢個法或者嗰個法」。

曾俊華表示,當國際社會恢復對香港的信心之後,就應該對外加強宣傳,尤其集中在商貿物流這些香港的強項,然後爭取多些國際航線飛回香港,多謝國際船公司的船隻,停泊香港的貨櫃碼頭,當這些香港經濟主要命脈恢復生氣,自自然然就會帶動整體經濟,否則只是做些微調,小修小補,根本作用有限。

記者:Ceci

閱讀更多:

曾俊華優先睇《毒舌大狀》有感 坦言:公義係唔可以妥協嘅!

曾俊華「放閃」稱感恩節特別感恩憶那些年邂逅太太:感激我遇見