邵音音加盟新監製短片奪法國電影獎 
嚴崇天羅沛琪計劃再拍動作片

1 個 月前
邵音音加盟新監製短片奪法國電影獎 
 嚴崇天羅沛琪計劃再拍動作片
字體大小
AAA
分享

藝人羅沛琪(Pinky)、嚴崇天監製拍攝的微電影《地產KOL》,邀請前輩邵音音參與演出。早前傳來好消息,電影榮獲法國尼斯國際電影節(Golden Giraffe International Film Festival) 最佳喜劇獎,音音姐聞訊後「開心到彈起」:「嚴崇天需要到我,我都會幫手。我拍電影咁多年,當然知道電影節好難攞獎,加上今次題材只係講『地產』,唔算太驚艷嘅題目,證明評審係覺得演員、整部電影充滿喜感。」


《地產KOL》榮獲法國尼斯國際電影節(Golden Giraffe International Film Festival)最佳喜劇獎。

音音姐化身「大師姐」鼓勵新人

面對兩位「新手」監製,音音姐片場化身「大師姐」,不時鼓勵大家、指點如何演戲:「Pinky、阿天可能綜藝出身,佢哋成日擔心演得唔夠好,偏偏我就覺得佢哋好自然,有時唔洗成日『Chok樣』嘅。」


音音姐片場化身「大師姐」,不時鼓勵大家、指點如何演戲

身兼監製、編劇、演員的羅沛琪就表示碌盡人情卡,好快組班開機拍攝:「拍攝期間正值疫情高峰時期,每日都有工作人員確診,一場戲改咗六次先拍得成。其實做演員真係好被動,難得有投資者出錢,梗係自肥拍吓微電影,搵嚟好多好朋友幫手。」Pinky還說音音姐不時講「戲經」,每日都會「賽後檢討」:「佢收工就會短訊比我,講吓今日拍成點、有冇進步,其實佢好易帶人入戲,教識我哋點先可以將啲情感收放自如。」


兩位「新手」監製羅沛琪(Pinky)、嚴崇天,每一步驟都跟到足。

另一監製、演員嚴崇天笑言「賣身」比音音姐,笑言隨傳隨到幫手做「阿四」:「佢係我圈中一個最重要嘅前輩,今次係一口答應演出。如果佢工人要放假,佢要我幫手嘅,我仆到去幫佢執頭執尾。」今次電影揚威海外,嚴崇天計劃再拍動作片:「因為我識跆拳道,加上好多韓國演員朋友,所以拍動作片都幾大挑戰,不過Pinky要練吓啲一字馬,拉吓筋先可以同我對打!」

記者:Kimi

閱讀更多:

英國權威雜誌選百套最佳電影 《花樣年華》位列第五為華語片爭光

香港文化博物館展118組珍貴文物 「眾裏尋她」睹古代美女風采