穿紅底褲有何作用大家都知道，但窗口掛紅色膠袋又有何用途？近日有長沙灣街坊於網上發文表示，發現元州邨有棟大廈中6個單位的住戶不約而同地在外牆掛上紅色膠袋，他十分好奇原因，因而請教網民。
該名街坊於facebook群組「深水埗街坊會」發文貼出照片，拍攝到有6個單位的住戶在外牆掛上紅色膠袋，部份更「打孖上」，令樓主感到困惑，問道：「有冇街坊知道咩料呢？我真係好八卦想知囉。」有網民留言指現時膠袋徵費加至1元，認為可能只是洗乾淨吹乾膠袋循環再用，但有反駁指此說法沒法解釋為何一定是紅色膠袋。另有網民笑言正值新年是否「紅運當頭」、「以為紅色底褲邪一邪佢」等。
相信紅色較有效驅白鴿
不少網民道出紅色膠袋真正用處，其實是避免白鴿飛近民居及驅蚊，「呢個位置比較多白鴿，用嚟嚇白鴿」、「風吹膠袋會郁，將飛來及停留在窗外、冷氣機位置的野鴿和斑鳩趕走，即係麗閣邨將CD光碟掛樹上想趕走烏鴉一樣」、「我問嗰條邨居民，佢話低層多蚊，掛個膠袋出去，袋放一啲驅蚊物」。
有街坊網民指出此位置比較多白鴿，居民曾嘗試掛其他顏色，但紅色最有效。另有網民解釋是有人餵鴿令白鴿在此聚集，並透露有次等候的士期間突然聽到滴滴答答聲響，發現「係天降綠豆，之後一堆白鴿聚集喺度食，成條馬路行人路都係白鴿」。
編輯：CLO
閱讀更多：
