香港甲二組球隊南華的前女排球員劉韵琳因急性骨髓性白血病（血癌），已住院逾月，她近日發文呼籲公眾登記成捐贈者，希望尋找到合適移植的骨髓，自言：「呢個大佬有d棘手，好需要大家幫手打。」
劉韵琳指自己於6年前，被診斷患有CML「慢性骨髓性白血病」，幾年間都靠標靶藥去控制，「好慶幸真係控制得好好，好似正常人一樣生活。」但至今年7月尾，她突然發燒，「估唔到今次一留就留到依家都未出……係醫院不停打抗生素、抽血、抽骨髓」，最後確診AML「急性骨髓性白血病」。
劉韵琳初頭以為係慢性轉左急性，但原來慢性一直都控制得好好，依家係CML+AML同時出現，醫生解釋是多了某幾組基因突變。AML相對需要急切既治療，所以月中就開始打化療，一個星期瘦10磅，「頭4日發燒真係好辛苦，全部都係39度以上，打冷震到我全身好攰但係完全停唔到唔震，一震就維持兩三個鐘，真係意志力既考驗！」
劉韵琳稱現時只要少少流血都會好緊張，因為根本癒合不到，隔兩日就輸一次血，「今日先稍微好似有上升，中性白血球有0.3。現階段只求唔好感染」。
「我知道好突然，但阿琳真係好需要大家幫忙，想大家登記成為骨髓捐贈者，因為暫時都未搵到合適骨髓進行移植，所以醫生會嘗試係骨髓庫搵。我知道機會唔大，但都希望大家願意試一試，請大家幫幫我或者其他有需要既人，感激不盡！」她呼籲公眾登記成為骨髓捐贈者。
香港紅十字會輸血服務中心資料：
https://www5.ha.org.hk/rcbts/bm
編輯：Sun
